“তোমাৰ নাম লিখিমেই , বেয়া পালেও উপায় নাই ;’’

“তোমাৰ নাম লিখিমেই , বেয়া পালেও উপায়       নাই ;’’

থাকিও নথকা , তোমাৰ লগত খেলা
নিশাৰ সপোনবোৰ চকুসদৃশ নীলা ;
তোমাৰ নাম তুমিয়েই জানা ।
অতৃপ্ত মই ;
দূৰত্ব নথকা ।

শইচ সিচাঁৰ সদা স্বপ্ন ,
থাকক চিৰদিন , চ’তৰ শেষৰ
দিনবোৰৰ দৰেই ।
গছবোৰৰ দৰেই ।
গছবোৰৰ নগ্ন দেহবোৰৰ ভাঁজেৰে ।

নিলাজ , তোমাৰ দুৰন্ত প্ৰেমিক ,
আজি শিকলিবিহীন ঘোঁৰা ,
ওচৰৰ লক্ষ্য , আজি সহস্ৰ যোজন দূৰৈত ।

সেই দিনৰ বৰষুণত
কেইটিমান পলকৰ বাবেও তিতাৰ বাবেই
তোমাৰ এই মাতাল ,
অশ্লীল , হৃদয়হীন
প্ৰেমিক আৰু তাৰ
টুকুৰাবোৰ ।

পুনশ্চ:  নিশাৰ সপোন বাৰুকৈয়ে নীলা  ৷