মৃত্যুকামনা, সেন্দুৰ আৰু এটি পদ্য
••••••••••
তোমাৰ নৃত্যৰ মৃত্যুকামনা
আৰু তোমাৰ গানৰ ,
দুয়োটাই সঁচা
আৰু তোমাৰ
হৃদয়ৰ টিউলিপ জোপাৰ ৷
কান্দিবাচোন কেতিয়াবা ,
শৃংখলবোৰ ভাঙিব'লে !
••••••••••••
সেন্দুৰ উৰে,
বতাহত উৰে
আৰু
হাঁহিটো উৰে ৷
একেখিনি সেন্দুৰ পুনৰ উৰে
উৰি তোমাৰ সেঁওতাত পৰে
নীলা সেন্দুৰো উৰি আহে ৷
••••••••••••
চকু ফটা ছোৱালীজনীৰ
কিমান যে কথা ....
তাইতো নেদেখা চকু নফটা পৃথিৱীৰ ছায়া
তাই ভিক্ষাও খোজে
খুচুৰাৰ শব্দত
টোপনি ভাঙে ৷
( আন্তৰ্জাতিক নাৰী দিৱস
উপলক্ষে প্ৰতিগৰাকী নাৰীৰ হাতত)
